HISTORIE: Laget vart skipa i 1993 og har omlag 50 medlemar, og held til i nedslagsfeltet til Rylandsvassdraget, som er eit stort og vakkert vassdrag på Holsnøy nord for Bergen. 

LOKALITET: Vassdraget har tre hovudvatn.  Høgast Storavatnet, så Bjørndalsvatnet og Rylandsvatnet som renn ut i sjøen ved Ryland/Vikebø. Her er og fleire småvatn og elvar. Storavatnet er det største på 2,9 km² og renn inn i Bjørndalsvatnet gjennom ein idyllisk kanal. Det er et par meter høgdeforskjell mellom øvre og nedre vassdraget.

RESSURSER:  I vassdraget er det fleire fiskeslag. Aure, røye, ål og stingsild. Fisken er størst i Rylandsvatnet med snittvekt på 200g medan snittvekta er 120g i Storavatnet/Bjørndalsvatnet. Det har vore tatt aure på 5 kg i vassdraget. Det har tidlegare vore fiska med ruse etter ål. Her er stingsilda som berre er nokre cm stor og vi kjenner ikkje til at den kan brukast til noko. Her er og mykje skogsfugl og vadefugl. Vassdraget er populært turområde og vert mykje nytta til kano/kajakk padleturer. Det er mogleg å ferdast mellom Herdlafjorden og Rafjorden via vassdraget. Vassdraget er idag fysisk stengt for oppgang av fisk. Det er i grunneigarane si interesse at vassdraget vert gjenopna for anadrom fisk.

FISKEKORT: I vassdraget gjeld nasjonale regler for fiske, og det er grunneigaren som eig  fiskeretten utanfor sin eigedom. I dag er det ikkje krav om lokalt fiskekort i nokon del av vassdraget, men det er likevel viktig å visa omsyn ved ferdsel på annan manns eigedom. Dette gjeld særleg ved parkering av kjøretøy og ferdsel over dyrka mark eller nær bustader eller kaier, og det er vanleg praksis å spørja grunneigaren. Fiskar ein frå båt treng ein ikkje spørja grunneigaren.

NASJONALE FØRINGER OG LOKALE FORSKRIFTER: Vassdraget kom i 2005 med i nasjonal verneplan for vassdrag. Kommunen har laga forvaltningsplan for vassdraget. Store deler av vassdraget ligg innanfor kommunal LMN sone og det er ikkje tillate å bygga i 100m beltet. Vassdraget har særskild forskrift, som begrensar fri bruk av motorisert fartøy. Dette set eit generelt forbod mot bruk av motorisert fartøy i heile vassdraget, medan det i Storavatnet/Bjørndalsvatnet er løyve for grunneigaren dersom det er i høve næring. Her er imidlertid begrensingar på hastigheit og motorstorleik.

REGULERINGSFISKE: Laget kjøpte hausten 2005 ei stor flyteruse som vert brukt i Storavatnet. Målet er at den skal redusera mengda til fordel for storleiken. Det er røya som er overbefolka. Det er fordeler med rusa at den fiskar meir og er lettare å bruke i forhold til garn. Ein har halde på med reguleringsfiske med garn i vassdraget i mange år, og me reknar med at med hjelp av flyterusa så skal storleiken på fisken auka. Fangstrapport frå Storavatnet: 2007. 2008.

For effektivt garnfiske, nyttar me fleire 6m djupe garn knytta saman i ei lenke. Når ein trekker garna over båten er det lett å plukka ut fisken. Garna kan då stå ute på same plassen i lengre tid, men ein må tøma garna dagleg.

INNGREP FRA INDUSTRI: Eit smoltanlegg driv produksjon ved utløpet av vassdraget. Sidan sommaren 2006 har laget engasjert seg i eit av smoltanlegget sine tiltak. Dei har plasert ein stort inntaksledning i vassdraget og grunneigarlaget meiner ledningen er plasert i strid med gitt konsesjon. Ledningen er skjemmande og til hinder for fiske, og laget har klaga saka til rette myndigheter.  Du kan lese meir om denne saka her.

Vasshøgdene i vatna vert regulert av smoltanlegget etter reglane i løyvet og ein lokal vassavtale. For låg eller for høg vasstand kan gje problem. Vasshøgda i Bjørndalsvatnet og Storavatnet kan reguleras mellom 9,81 og 11,14 moh. Vasshøgda ligg vanligvis på 10,80 -11,10 moh. Ved ekstrem nedbør kan den gå over 11,14. Vasshøgda i Rylandsvatnet har liten variasjon - ca 8,60-8,80 moh, vanlegvis 8,70.

Bileter frå garnfiske i Rylandsvatnet i mai 2003

ei fin røye	litt av fangsten	ein flott aure

Link til Vasslaget av 1974

Besøkende nr.         Siden er oppdatert 08.08.2017     Til webmaster sin hovedside